கஞ்சாவுடன் வர்த்தகர் கைது

-எம்.எஸ்.எம்.நூர்தீன்

ஒரு கிலோ கஞ்சாவை வைத்திருந்ததாகக் கூறப்படும் வர்த்தகர் ஒருவரை  மட்டக்களப்பு, காத்தான்குடி வாவிக்கரையோரத்தில் செவ்வாய்க்கிழமை (31) இரவு கைதுசெய்ததாக காத்தான்குடி பொலிஸார் தெரிவித்தனர்.

புதிய அரசாங்கத்தின்  100 நாள் வேலைத்திட்டத்தின் கீழ்,  போதை அற்ற தேசம் எனும் திட்டத்துக்கு காத்தான்குடி பொலிஸார் தேடுதல் மேற்கொண்டனர். இதன்போதே இந்தச் சந்தேக நபரை கைதுசெய்ததாகவும் பொலிஸார் கூறினர்.  

சந்தேக நபரிடம் காத்தான்குடி பொலிஸார் விசாரணைகளை மேற்கொண்டுள்ளனர்.