பெண் கைதிகளுக்காக நிர்மாணிக்கப்பட்டுள்ள கட்டிட தொகுதி திறந்துவைப்பு

(எம்.எப்.எம்.தாஹிர்)

பதுளை சிறைச்சாலையில் பெண் கைதிகளுக்காக நிர்மாணிக்கப்பட்டுள்ள கட்டிட தொகுதியொன்று புனர்வாழ்வு மற்றும் சிறைச்சாலைகள் மறுசீரமைப்பு அமைச்சர் சந்திரசிறி கஜதீரவினால் இன்று திங்கட்கிழமை திறந்துவைக்கப்பட்டது.

பதுளை சிறைச்சாலைக்கு விஜயம் செய்த அமைச்சருக்கு மரியாதை அணி வகுப்பும் வழங்கப்பட்டதை தொடர்ந்து பெண் கைதிகளுக்கான கட்டிட தொகுதியை அமைச்சர் திறந்துவைத்தார்.

அமைச்சருடன் சிறைச்சாலைகள் ஆணையாளர் நாயகம் வீ.ஆர். சில்வா, அமைச்சின் செயலாளர் ஏ.திசாநாயக்க உள்ளிட்ட பல அதிகாரிகளும் இதன்போது கலந்து கொண்டனர்.