தொலைபேசி கம்பிகளை திருடி விற்றவர் கைது

(எம்.எம்.எம். ரம்ஸீன்)

நாவலப்பிட்டிய முதல்  கலபொடை வரையான ரயில் பாதையில் பொருத்தப்பட்டிருந்த 15 இலட்சம் ரூபா பெறுமதியான தொலைபேசி கம்பிகளை வெட்டி திருடி வந்த கும்பலின் பிரதான சந்தேக நபரை நாவலப்பிடிய பொலிஸார் கைது செய்துள்ளனர்.

இத்தொலைபேசி தூண்களில் பொருத்தப்பட்ட இறப்பர் பாதுகாப்பு வலயம் கொண்ட கம்பிகள் வெட்டப்பட்டிருப்பது தொடர்பாக பொலிஸாருக்கு கிடைத்த முறைப்பாட்டின் பேரில் விசாரனை மேற்கொண்ட பொலிஸார் சந்தேக நபரை கைது செய்தனர்.

இவரிடம் இருந்து விற்பனைக்காக ஒளித்து வைக்கப்பட்டிருந்த கம்பிச் சுருளும் பொலிஸாரால் மீட்கப்பட்டது.

இது தொடர்பான மேலதிக விசாரனைகளை நாவலப்பிடிய பொலிஸார் மேற்கொண்டு வருகின்றனர்.