அறிகுறிகள் இருப்பின் விசேட சிகிச்சைப் பிரிவுக்கு வரவும்

ஏ.ஏ.எம்.பாயிஸ்

கொவிட்-19 வைரஸ் தொற்று அறிகுறிகள் காணப்படுபவர்களை, பலாங்கொடை அரச வைத்தியசாலையில் ஒதுக்கப்பட்டுள்ள விசேட கொவிட்-19 சிகிச்சைப் பிரிவுக்கு வருமாறு, வைத்தியசாலை நிர்வாகம், பலாங்கொடை மக்களிடம் வேண்டுகோள் விடுத்துள்ளது.

பெரும்பாலும் இந்த கொவிட்-19 பற்றிய சரியான தெளிவின்மை காரணமாக, சிலர் வைத்தியசாலையின் வெளிநோயாளர்கள் பிரிவில் வரிசையில் நின்றி சிகிச்சை பெற முயல்வதாகவும் இதனால், அவர்களுக்கு கொவிட்-19 தொற்று இருந்தால், அவர்களுடன் வரிசையில் காத்திருக்கும் மற்றைய நோயாளர்களும் பாதிக்கடுவர் என, வைத்தியசாலை நிர்வாகம் தெரிவித்துள்ளது.

இந்நிலையிலேயே, அவ்வாறு அறிகுறிகள் தென்படுவோர். வைத்தியசாலையின் விசேட பிரிவுக்கு வருகை தருமாறு வேண்டுகோள் விடுக்கப்பட்டுள்ளது.

இந்நிலையில், இங்கு மேற்கொள்ளப்படும் பரிசோதனையின் பின்னர், அவர்களுககு கொவிட்-19 பாதிப்பு இல்லை என்றால், அவர்கள் சாதாரண சிகிச்சையுடன் வீடு திரும்ப முடியும் என்றும் வைத்தியசாலை அறிவித்துள்ளது.

அத்துடன், அவ்வாறு அறிகுறகள் காணப்படும் பலாங்கொடை மக்கள், 070 1009090 எனும் அலைபேசி இலக்கத்துக்குத் தொடர்பை ஏற்படுத்தித் தெரிவிக்குமாறும் வைத்தியசாலை நிர்வாகம் வேண்டுகோள் விடுத்துள்ளது.