ஆல மரத்தின் கிளைகள் முறிந்து விழுந்ததால் ஆலயம் சேதம்

மு.இராமச்சந்திரன், ரஞ்சித் ராஜபக்ஷ

நோர்வூட், அயரபி தோட்டத்தில் ஆலமரத்தின் கிளைகள் முறிந்து விழுந்ததால்,  அத்தோட்டத்திலுள்ள மாரியம்மன் ஆலயம் சேதமாகியுள்ளதுடன் போக்குவரத்தும் தடைப்பட்டுள்ளது.

ஆலயத்துக்கு அருகிலிருந்த சுமார் 100 வருடங்கள் பழமையான ஆலமரத்தின் கிளைகளே  இன்று(1) காலை முறிந்து விழுந்துள்ளன. இதனால் நியூட்டன் தோட்டத்துக்கான குறுக்கு வீதி பாதையும் தடைப்பட்டுள்ளதாக தெரியவருகிறது.

இந்நிலையில், ஆலய நிர்வாகத்தின் அனுமதியைப் பெற்று, ஆலமரத்தை முற்றாக வெட்டி அகற்றுவதற்கு நடவடிக்கைகளை மேற்கொண்டுள்ளதாக பொலிஸார் கூறினர்.