இரண்டாவது தடவையாகவும் முருகன் ஆலயத்தில் திருட்டு

ராமு தனராஜா

எட்டாம்பிட்டிய  பொலிஸ்  பிரிவிற்கு  உட்பட்ட   பண்டாரவளை - நெளுவ தோட்ட ஸ்ரீ சிவசுப்பிரமணியர் ஆலயம்   இவ் வருடத்தில் இரண்டாவது  முறையாகவும்   உடைக்கப்பட்டு  திருடபட்டுள்ளது.

இதன்போது ஆலய விக்ரகத்தின்  தாலி, ஆலயத்தின்   திருவிழாவில் சேகரிக்கப்பட்ட   பணம்,  உண்டியல்  பணம்  என்பன   திருடபட்டுள்ளன.

 கடந்த முறை இடம்பெற்ற   திருட்டு சம்பவம்  தொடர்பாக   இதுவரையில் எவரும் கைதுசெய்யப்படாத நிலையில்,  இரண்டாவது முறையாகவும் உடைக்கப்பட்டு  திருட்டு  சம்பவம்   இடம்பெற்றுள்ளது.

இச்சம்பவம் தொடர்பாக  எட்டாம்பிட்டிய பொலிஸார் மேலதிக விசாரணைகள் முன்னெடுத்து வருகின்றனர்.