இரத்தினபுரி வைத்தியசாலையின் சந்தியில் மஞ்சள் கோடு இல்லை

ஏ.ஏ.எம்.பாயிஸ்

இரத்தினபுரி வைத்தியசாலையின் சந்தியில் வரையப்பட்டிருந்த பாதசாரிக் கடவைக்கான மஞ்சள் கோடு, முற்றாக அழிந்துள்ளமையால், அடிக்கடி விபத்துகள் ஏற்படும் அபாயம் ஏற்பட்டுள்ளது.

ஏற்கெனவே வரையப்பட்டிருந்த பாதசாரிக்கடவை, தற்போது அழிந்துவிட்டது. எனினும் இதை மீண்டும் வரைவதற்கு, இதுவரை எந்தவொரு நடவடிக்கையும் எடுக்கப்படவில்லை.

கொழும்பு பதுளை பிரதான வீதியில், கொழும்பிலிருந்து எம்பிலிப்பிட்டிய, பதுளை வரையில், அநேகமான வாகனங்கள் செல்கின்றன. அத்துடன், சந்தியின் அனைத்து பக்கங்களில் இருந்தும் வாகனங்கள் வந்து செல்கின்றன.

பாதையைக் கடக்க முற்படும்போது, பாதசாரிக் கடவை இன்மையாமல், விபத்துக்குள் சிக்கிம் அபாயத்தை உணர்வதாக, பாதசாரிகள் தெரிவித்தனர்.

எனவே, உரிய அதிகாரிகள் இந்தப் பாதசாரிக் கடவை அமைப்பதற்கு, நடவடிக்கை எடுக்கவேண்டும் என, மக்கள் கோரிக்கை விடத்துள்ளனர்.