இருளில் மூழ்கியது காசல்ரீயூர்

மு.இராமச்சந்திரன்

நோட்டன் விமலசுரேந்திர நீர்மின் உற்பத்தி நிலையத்துக்கு, நீர் வழங்கும் காசல்ரீ நீர்தேக்கத்தின் கரையோரத்தில் அமைந்துள்ள காசல்ரீயூர், கடந்த மூன்று தினங்களாக இருளில் மூழ்கியுள்ளது.

குறித்த பகுதியில் ஞாயிற்றுக்கிழமை மின்சார தடையேற்பட்டமையால், சுமார் 500க்கும் மேற்பட்ட  பயனாளிகள் பெரிதும் பாதிப்படைந்துள்ளனர்.

மின் விநியோகத்தில் ஏற்பட்டுள்ள தடை தொடர்பில், கினிகத்தேனை மின்சார சபை அதிகரிகளுக்கு அறிவித்தப் போதிலும், நேற்றுவரையிலும் எவ்வித நடவடிக்கையும் முன்னெடுக்கப்படவில்லை என, பிரதேச மக்கள் தெரிவிக்கின்றனர்

இந்நிலையில், கடந்த மூன்று தினங்களாக, காசல்ரீ பகுதி வாழ் மக்கள்,  பெரும் சிரமங்களை எதிர்கொண்டு வருகின்றனர்.