ஊரடங்கு காலத்திலும் சட்டவிரோத மதுபான விற்பனை

எஸ்.சுஜிதா

கொரோனா வைரஸ் பரவுவதைக் கட்டுப்படுத்தும் நோக்கில், நாடளாவிய ரீதியில் ஊரடங்குச்சட்டம் அமுல்படுத்தப்பட்டுள்ள நிலையில், லிந்துலை பொலிஸ் பிரிவுக்கு உட்பட்ட பகுதிகளிலுள்ள உப நகரங்களில், சட்டவிரோத மதுபான விற்பனைகள் முன்னெடுக்கப்பட்டு வருவதாக, பிரதேச மக்கள் சுட்டிக்காட்டுகின்றனர்.

உபநகரங்களிலுள்ள மதுபானசாலைகளில், மிகவும் சூட்சுமுமான முறையில் மதுபான விற்பனை முன்னெடுக்கப்படுவதாகச் சுட்டிக்காட்டப்படுகிறது.

பொதுமக்களால் வழங்கப்படும் தகவலுக்கு அமைய, மதுபானம் விற்பனை செய்வோரை, பொலிஸாரும் இராணுவத்தினரும் கைதுசெய்யச் செல்லும்போது, பொலிஸார் வருவதை அறிந்து உரிமையாளர்கள் தலைமறைவாகி விடுவதாகவும் இதனால் சம்பந்தப்பட்டோரை கைதுசெய்ய முடியாத நிலை ஏ ற்படுவதாகவும் தெரிவிக்கப்படுகிறது.

எனவே பெருந்தோட்டப் பகுதிகளில் முன்னெடுக்கப்படும் சட்டவிரோத மதுபான விற்பனைக்கு எதிராக, கடுமையான நடவடிக்கை எடுக்க வேண்டும் என்று, பிரதேச மக்கள் கோரிக்கை விடுக்கின்றனர்.