ஒரு கோடி ரூபாய் பெறுமதியான கஜமுத்துடன் ஒருவர் கைது

மஹேஸ் கீர்த்திரத்ன

ஒரு கோடி ரூபாய்க்கும் அதிகம் பெறுமதியுடைய கஜமுத்து ஒன்​றை விற்பதற்காக, மாத்தளை பிரதேசத்துக்கு கொண்டு வந்த நபர் ஒருவர் மாத்தளை பொலிஸாரால் கைதுசெய்யப்பட்டுள்ளார்.

இந்த சந்தேகநபருடன் பொலிஸ் அதிகாரிகள் ஒரு வாரமாக கொடுக்கல், வாங்கல் தொடர்பாக கலந்துரையாடி வந்த நிலையில், இறுதியில் விலை தீர்மானிக்கப்பட்டு கஜமுத்தை சந்தேகநபர் கொண்டு வந்த போதே, இன்று காலை கைதுசெய்யப்பட்டுள்ளார்.

சந்தேகநபர் அங்குணகொலபெலஸ்ஸ பகுதியைச் சேர்ந்தவர் என தெரிவித்துள்ள பொலிஸார், மாத்தளை நீதவான் நீதிமன்றில் அவரை ஆஜர்படுத்தவுள்ளதாக தெரிவித்தனர்.