கொழுந்து லொறி விபத்து ; சாரதி படுகாயம்

தலவாக்கலை, பாமஸ்டன் தோட்டத்தில் தேயிலை கொழுந்துகளை ஏற்றிச் சென்ற லொறி ஒன்று வீதியை விட்டு விலகி பள்ளத்தில் கவிழ்ந்து விபத்துக்குள்ளாகியுள்ளது. இவ்விபத்தில் லொறியின் சாரதி படுகாயமடைந்த நிலையில் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாக லிந்துலை பொலிஸார் தெரிவித்தனர்.

இவ்விபத்து புதன்கிழமை (20) பிற்பகல் இடம்பெற்றுள்ளது. பாமஸ்டன், ரட்ணகிரிய தோட்டத்திலிருந்து தேயிலைக் கொழுந்துகளை ஏற்றிச் சென்ற லொறியே இவ்வாறு வீதியை விட்டு விலகி பள்ளத்தில் பாய்ந்து விபத்துக்குள்ளாகியுள்ளது.

விபத்தினால் லொறி பலத்த சேதமடைந்துள்ளதுடன், விபத்துக்கான காரணம் இதுவரை கண்டறியப்படவில்லை என தெரிவித்த லிந்துலை பொலிஸார், இது தொடர்பான மேலதிக விசாரணைகளை மேற்கொண்டு வருகின்றனர்.

 பி. கேதீஸ்