Janu / 2026 மே 20 , பி.ப. 01:55 - 0 - {{hitsCtrl.values.hits}}
ஹட்டன் தனியார் பேருந்து உரிமையாளர்கள் சங்கம் மற்றும் மத்திய மாகாண தனியார் பேருந்து ஊழியர்கள் சங்கம் (CPPTSA) இணைந்து ஏற்பாடு செய்திருந்த “மகா கிரிக்கெட் போட்டி”, செவ்வாய்க்கிழமை (19 அன்று ஹட்டன் டன்பார் மைதானத்தில் கோலாகலமாக நடைபெற்றது.
தனியார் போக்குவரத்து துறையில் ஈடுபட்டுள்ள ஊழியர்களுக்கும், அப்பகுதி பேருந்து உரிமையாளர்களுக்கும் இடையே பரஸ்பர உறவு, ஒத்துழைப்பு மற்றும் தோழமையை வளர்க்கும் நோக்கில் இந்த வருடாந்திர போட்டி ஏற்பாடு செய்யப்பட்டிருந்தது. இதில் பேருந்து உரிமையாளர்கள், ஓட்டுநர்கள் மற்றும் நடத்துநர்கள் அடங்கிய பல அணிகள் மிகுந்த உற்சாகத்துடன் கலந்துகொண்டன.
விறுவிறுப்பான இறுதிப் போட்டி:
இறுதிப் போட்டிக்கு ஹட்டன் யுனைடெட் ஸ்போர்ட்ஸ் கிளப் (Hatton United Sports Club) மற்றும் மாஸ்கெலியா கிங்ஸ் ஸ்போர்ட்ஸ் கிளப் (Maskeliya Kings Sports Club) ஆகிய அணிகள் தகுதி பெற்றன.
பார்வையாளர்களை மெய்சிலிர்க்க வைத்த விறுவிறுப்பான ஆட்டத்தின் முடிவில், மாஸ்கெலியா கிங்ஸ் அணியை வீழ்த்தி ஹட்டன் யுனைடெட் ஸ்போர்ட்ஸ் கிளப் அணி இந்த ஆண்டிற்கான சாம்பியன் பட்டத்தை வென்றது.
செ.தி.பெருமாள்
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
