காற்றினால் சேதமடைந்த குடியிருப்புகளை சீர்செய்யும் பணியில் இராணுவத்தினர்

எஸ்.சதீஸ்

நோர்வூட் சென்ஜோன்டிலரி கீழ் பிரிவு தோட்டத்தில், நேற்று(14)  மாலை பெய்த கடுங்காற்றுடன் கூடிய மழை காரணமாக சேதமடைந்த குடியிருப்புகளை சீர்செய்யும் பணியில், இராணுவத்தினர் ஈடுபட்டு வருகின்றனர்.

இப்பணியில் மேற்படி தோட்டத்தைச் சேர்ந்த 20 பணியாளர்களும் உள்வாங்கப்பட்டுள்ளனர்.

கூறைகள் பாதிப்படைந்ததால் பாதிக்கப்பட்ட 5 குடும்பங்களைச் சேர்ந்த 20 பேர், தோட்டத்திலுள்ள பிரசவ விடுதியில் தற்காலிகமாகத் தங்க வைக்கப்பட்டுள்ளதுடன், அவர்களுக்கான உலருணவுப் பொருள்கள் வழங்கப்பட்டு வருவதாக, அப்பகுதிக்குப் பொறுப்பான கிராம உத்தியோகத்தர் திருமதி யோகமலர் தெரிவித்தார்.