கோவிலுக்கு நிறப்பூச்சு

டிக்கோயா, வனராஜா தோட்ட மணிக்கவத்தை இலக்கம் 1 பிரிவு ஸ்ரீ முத்துமாரியம்மன் கோவிலுக்கு, தொழிலாளர்கள் இளைஞர்களின் கோரிக்கைக்கு இணங்க, அமைச்சர் பழனி திகாம்பரத்தின் 5 இலட்சம் ரூபாய் நிதியொதுக்கீட்டில், நிறப்பூச்சுகள் வழங்கப்பட்டன.

தொழிலாளர் தேசிய சங்கத்தின் டிக்கோயா பிரதேச அமைப்பாளர் சுப்பிரமணியத்தின் ஏற்பாட்டில் இடம்பெற்ற இந்த நிகழ்வின் பிரதம அதிதியாக அமைச்சர் பழனி திகாம்பரத்தின் ஆய்வாளரும் தொழிலாளர் தேசிய சங்கத்தின் பிரதி நிதிச்செயலாளரும் மத்திய மாகாண சபையின் முன்னாள் உறுப்பினருமான சோ. ஸ்ரீதரன் கலந்துகொண்டதுடன். தொழிலாளர் தேசிய சங்கத்தின் ஹட்டன் - டிக்கோயா நகர சபையின் உறுப்பினர் திருமதி ராமேஸ்வரி, தொழிலாளர் தேசிய சங்கத்தின் அமைப்பாளர்களான ஜஸ்டின் ,கேசவன், பாலசுந்தரம், மாவட்ட தலைவர் செல்வராஜ் உட்பட தோட்ட மக்கள் கலந்து கொண்டனர்.