காட்டுப்பகுதியிலிருந்து பணம் மீட்பு

ஆர்.கோகுலன், எஸ்.செல்வராஜ்

ஹப்புதளை - வெலிமடை பிரதான வீதியின் 4ஆம் கட்டையை அண்மித்த அரச வனப்பகுதியிலிருந்து பணப்பெட்டியுடன் சுமார் இரண்டு இலட்சம் ரூபாய் பணமும் ஆயுதங்கள் சிலவும் நேற்று (01) கைப்பற்றப்பட்டுள்ளதென பொலிஸார் தெரிவித்தனர்.

குறித்த காட்டுப்பகுதிக்கு விறகு சேகரிக்கச் சென்ற இளைஞனொருவர், பொலிஸாருக்கு வழங்கிய தகவலையடுத்து குறித்த இடத்துக்கு சென்று பொலிஸார் சோதனைகளை மேற்கொண்டனர்.

இதேவளை, வெலிமடை, கெப்பெடிபொல பிரதேசத்திலுள்ள எரிபொருள் நிரப்பும் நிலையமொன்றினுள் திங்கட்கிழமை (31) அதிகாலை 10 இலட்சம் ரூபாய் பணம் கொள்ளையிடப்பட்டுச் சென்றிருந்தமை குறிப்பிடத்தக்கது.

குறித்த சம்பவம் தொடர்பில் வெலிமடை பொலிஸார் மேலதிக விசாரணைகளை மேற்கொன்டு வருகின்றனர்.