குளவிக் கொட்டில் குடும்பஸ்தர் பலி

கு.புஷ்பராஜா

நானுஓயா பொலிஸ் பிரிவுக்கு உட்பட்ட உடரதல்லையில் 65 வயது நபர் ஒருவர் குளவிக் கொட்டுக்கு இலக்காகி உயிரிழந்துள்ளார்.

நேற்று செவ்வாய்க்கிழமை (5) நண்பகல் இடம்பெற்ற இச்சம்பவத்தில் மூன்று பிள்ளைகளின் தந்தையான எஸ்.முத்துசாமி என்பவரே உயிரிழந்துள்ளார்.

விறகு வெட்டச் சென்ற போது இவர் குளவிக் கொட்டுக்கு இலக்காகியுள்ளதாக பொலிஸார் தெரிவித்தனர்.

உயிரிழந்தவரது சடலம்  நுவரெலியா மாவட்ட வைத்தியசாலையில் பிரேத பரிசோதனைக்காக வைக்கப்பட்டுள்ளது.