சஜித்தின் தோல்வியால் மாரடைப்பால் ஒருவர் மரணம்

மஹேஷ் கீர்த்திரத்ன

ஜனாதிபதித் தேர்தலில், புதிய ஜனநாயக முன்னணியின் ஜனாதிபதி வேட்பாளர் சஜித் பிரேமதாஸ தோல்வியடைந்ததை  ஏற்றுக்கொள்ள முடியாத அவரது ஆதரவாளர் ஒருவர், மாரடைப்பால் மரணமடைந்துள்ளார்.

மாத்தளை பிரதேசத்தைச் சேர்ந்த ஐக்கிய தேசியக் கட்சியின் மிகத் தீவிரமான ஆதரவாளரான அக்பர் பாதுஸா என்பவரே இவ்வாறு மரணமடைந்துள்ளார்.

மேற்படி நபர், ஜனாதிபதித் தேர்தல் முடிவு, ஐக்கிய தேசியக் கட்சியின் உபதலைவர் பதவியிலிருந்து சஜித் விலகியமை என்பவற்றால் மிகவும் மனவருத்தத்துடன் இருந்தார் என்றும் இந்நிலையிலேயே மாரடைப்பு ஏற்பட்டு மரணமடைந்தார் என்றும், ஐக்கிய தேசியக் கட்சியின் மாத்தளை பிரதேச சபையின் உறுப்பினர் நுவன் ரணசிங்க தெரிவித்தள்ளார்.