சப்ரகமுவ பல்கலை ஒன்று கூடலுக்குச் சென்ற வெளிவாரி மாணவன் கைது

ஏ.ஏ.எம்.பாயிஸ்

சப்ரகமுவ பல்கலைக்கழகத்தில் நடைபெற்ற வருடாந்த மாணவர் ஒன்று கூடலில் கலந்து கொண்ட, குறித்த பல்கலைக்கழகத்தின் வெளிவாரி மாணவர் ஒருவர் கைது செய்யப்பட்டுள்ளார்.

இப்பல்கலைக்கழகத்தின் 2ஆம், 3ஆம் ஆண்டு மாணவர்களால் நடத்தப்பட்ட வருடாந்த ஒன்று கூடல் நிகழ்வில், குறித்த ​வெளிவாரி மாணவன் கலந்துகொண்டமை தொடர்பாக, பல்கலைக்கழக மாணவர்களால், பொலிஸாருக்கு அறிவிக்கப்பட்டதையடுத்தே, அவர் கைது செய்யப்பட்டுள்ளார்.

பல்கலைக்கழக உள்வாரி மாணவர் நிகழ்வில், வெளிவாரி மாணவர்கள் கலந்துகொள்ள முடியாது என்றும் குறித்த மாணவன், தன்னிச்சையாக இந்நிகழ்வில் கலந்து கொண்டுள்ளார் என்றும் மாணவர்கள் முறைப்பாடு செய்துள்ளனர்.

கைது செய்யப்பட்ட மாணவன், பலாங்கொடை, புவக்கஹவெல பகுதியைச் சேர்ந்தவர் என்று பொலிஸார் தெரிவித்துள்ளனர்.