தீப்பற்றி எரிந்த முச்சக்கர வண்டி

நுவரெலியா - கண்டி பிரதான வீதியில் பயணித்துக்கொண்டிருந்த முச்சக்கர வண்டி ஒன்று திடீரென தீப்பற்றி எரிந்து விபத்துக்குள்ளாகிய  சம்பவம் ஞாயிற்றுக்கிழமை (19) இடம்பெற்றுள்ளது.

நுவரெலியா - கண்டி பிரதான வீதியின் அதிகாரிகம பகுதியில் பயணித்துக் கொண்டிருந்த போதே இந்த தீ விபத்து ஏற்பட்டுள்ளதாக பொலிஸார் தெரிவித்தனர்.

முச்சக்கர வண்டியில் ஏற்பட்ட இயந்திர கோளாறு காரணமாகவே இந்த தீ பரவல் ஏற்பட்டிருக்கலாம் என ஆரம்பக்கட்ட விசாரணைகளில் தெரியவந்துள்ளது. எனினும், இந்த விபத்தில் முச்சக்கர வண்டியில் பயணித்த எவருக்கும் எவ்வித காயங்களும் ஏற்படவில்லை என தெரியவந்துள்ளது.

சம்பவம் தொடர்பில் நுவரெலியா பொலிஸார் மேலதிக விசாரணைகளை மேற்கொண்டு வருகின்றனர்.

எஸ். சதீஸ்