தொடரும் மழையால் இயல்பு வாழ்க்கை பாதிப்பு

மு.இராமச்சந்திரன்

மலையகத்தில் நீடித்துவரும் சீரற்ற வானிலை காரணமாக, மக்களின் இயல்புவாழ்க்கை பாதிக்கப்பட்டுள்ளது.

காலை வேளைகளில் பிரதான வீதிகள், அதிக பனிமூட்டம் மற்றும் வழுக்கல் தன்மையுடன் காணப்படுவதால், மிகுந்த அவதானத்துடன் வாகனத்தை செலுத்துமாறு, வாகன சாரதிகள் அறிவுறுத்தப்பட்டுள்ளனர்.

மேலும், மலையகத்தில் தொடர்ந்து பெய்துவரும் மழை காரணமாக, நீர்நிலைகள் பெறுக்கெடுத்துள்ளதாகவும் எனவே, கரையோரப் பகுதிகளில் வாழ்ந்து வரும் மக்கள் மிகுந்த அவதானத்துடன் இருக்குமாறும், அறிவுறுத்தப்பட்டுள்ளனர்.

மழையால் தமது வாழ்வாதாரம் பாதிக்கப்பட்டுள்ளதாக, தினக்கூலித் தொழிலாளர்கள் கவலை தெரிவித்துள்ளனர்.