நூரளையில் இரு வியாபார நிலையங்கள் தீக்கிரை

ஆர்.ரமேஸ், டி.ஷங்கீதன்

நுவரெலியா-கண்டி பிரதான வீதி, பழையக் கடை பகுதிக்குச் செல்லும் வழியிலுள்ள இரு வியாபார நிலையங்களில், இன்று  (11) பகல் ஏற்பட்ட திடீர் தீ விபத்து காரணமாக, அந்நிலையங்கள் முற்றுமுழுதாகத் தீக்கிரையாகியுள்ளன.

இவ்வாறு எரிந்த கடைகளில், அணிகலன்கள் விற்பனை நிலையமொன்றும் புதிததாகத் திறக்கப்படவிருந்த உணவகமொன்றுமே, தீக்கிரையாகியுள்ளன.

மாநகரசபையின் தீயணைப்புப் பிரிவினரும் பொதுமக்களும் இணைந்து, தீயைக் கட்டுப்பாட்டுக்குள் கொண்டு வந்துள்ளனர்.

தீ விபத்து ஏற்பட்டமைக்கான காரணம் இதுவரைக் கண்டறியப்படவில்லை என்றும் இது தொடர்பில், மேலதிக விசாரணைகளை மேற்கொண்டு வருவதாகவும், நுவரெலியா பொலிஸார் தெரிவித்தனர்.