பதுளை பிரதேச சபைக்கு களங்கம் ஏற்படுத்தும் போலி பேஸ்புக்குக்கு எதிராக முறைப்பாடு

எம். செல்வராஜா

பதுளை பிரதேச சபையின் உத்தியோகப்பூர்வ பேஸ்புக் பக்கம் போன்றே, பிறிதொரு பேஸ்புக் பக்கம் ஆரம்பிக்கப்பட்டுள்ளமை குறித்து, பதுளை பொலிஸாருக்கும் கொழும்பு குற்றப்புலனாய்வு பிரிவினருக்கும் முறைப்பாடுகள் கிடைக்கப்பெற்றுள்ளன.

பதுளை பிரதேச சபைக்கு களங்கள் விளைவிக்கும் வகையில், இந்தச் செயற்பாடுகள் இடம்பெறுவதாக கூறியே, இந்த முறைப்பாடுகளை, பதுளை பிரதேச சபையின் செயலாளர் டி.எ. தனபால, உத்தியோகப்பூர்வமாக பதிவு செய்துள்ளார்.

பதுளை பிரதேச சபையின் பேஸ்புக் பக்கத்திலுள்ள உத்தியோகப்பூர்வ இலட்சினையைப் போன்று அமைந்த, சிறியதொரு மாற்றத்தைக் கொண்ட மற்றொரு பேஸ்புக் பக்கமே, இவ்வாறு செயற்பாட்டில் இருந்து வருவதாக அந்த முறைப்பாட்டில் தெரிவிக்கப்பட்டுள்ளது.

இந்த போலியான பேஸ்புக் மூலம், பதுளை பிரதேச சபையானது, செயற்பாடுகள் அற்ற ஒரு சபையாகக் காணப்படுகின்றது என்ற எண்ணத்தை, மக்கள் மத்தியில் தூண்டுவதாக அமைந்துள்ளது என்றும், இந்த போலி பேஸ்புக்கைத் தடை செய்து, இவ்வாறான செயற்பாட்டில் ஈடுபட்டவருக்கு எதிராக சட்ட நடவடிக்கை எடுக்குமாறும், அந்த முறைப்பாட்டில் மேலும் குறிப்பிடப்பட்டுள்ளது.