பஸ்பாகே கோரளையில் 22 பேருக்கு தொற்று

எஸ்.சதீஸ், எம்.கிருஸ்ணா

நாவலபிட்டி பஸ்பாகே கோரளையில் 22 பேருக்கு கொரோனா வைரஸ் தொற்று உறுதிபடுத்தப்பட்டுள்ளது.

மேற்படிப் பகுதியிலுள்ள பாடசாலையொன்றைச் சேர்ந்த 15 மாணவர்கள், ஆசிரியை ஒருவர் உள்ளடங்களாக 22 பேருக்கு தொற்று உறுதிபடுத்தப்பட்டுள்ளது.

நேற்று முன்தினம் (6) வெளியான பிசிஆர் அறிக்கையின் முடிவுகளுக்கு அமையவே 22 பேருக்கு தொற்று உறுதிபடுத்தப்பட்டுள்ளது. 

இதேவேளை மேற்படிப் பிரதேசத்தில் 112 பேருக்கு நேற்றைய (6) தினம் பிசிஆர் பரிசோதனை மேற்கொள்ளப்பட்டதாக, அப்பகுதிக்குப் பொறுப்பான பொதுசுகாதார பரிசோதகர்கள் தெரிவித்துள்ளனர்.

மேற்படித் தொற்றாளர்களுடன் தொடர்பைப் பேணியவர்கள் தனிமைப்படுத்தப்பட்டுள்ளனர்.