பாதை சீர்கேடு; பொதுமக்கள் அவதி

பா.பாலேந்திரன்

டயகம் ஈஸ்ட் இலக்கம் 3, 15 ஆம் இலக்கப்  பாதை மிக மோசமான நிலையில் காணப்படுவதால் அந்தப் பாதை வழியாகப் போக்குவரத்துச் செய்வதில் பாரிய இடர்களை எதிர்கொள்ள வேண்டியுள்ளதாக, பொதுமக்கள் தெரிவித்துள்ளனர்.

பாதையானது குன்றும் குழியுமாகக் காணப்படுவதுடன் மழை காரணமாக சேற்றுநீர் நிரம்பிக் காணப்படுவதால், வாகனப் போக்குவரத்துக்கும் இடையூறு ஏற்பட்டுள்ளதாக, பிரதேச மக்கள் தெரிவித்துள்ளனர்.

இதனால் இப்பகுதி இளைஞர்கள், பாதையில் இருக்கும் குழிகளை இணைந்து தற்காலிகமாக மண் இட்டும் நிரப்பும் பணியில் ஈடுபட்டுள்ளனர். 

நீண்டகால தீர்வாக பாதையைப் புனரமைப்பதற்கு சம்பந்தப்பட்ட அதிகாரிகள் முன்வர வேண்டும் என்று பிரதேச மக்கள் கோரிக்கை விடுத்துள்ளனர்.