மட்டக்களப்பில் ஊரடங்கு சட்டத்தை மீறி வீதிகளில் நடமாடிய 10 பேர் கைது

க.சரவணன்

மட்டக்களப்பு, காத்தான்குடி மற்றும் வாகரை பிரதேசங்களில், ஊரடங்கு சட்டத்தை மீறி வீதிகளில் நடமாடிய 10 பேரை, இன்று  (24) கைது செய்துள்ளதாக, அந்தந்த பொலிஸ் நிலையங்களின் பொலிஸார் தெரிவித்தனர்.

கிழக்கு மாகாணத்தில்,  நேற்று (23) முதல் வியாழக்கிழமை காலை  6 மணிவரை,  ஊரங்கு சட்டம் நீடிக்கப்பட்டுள்ளது.

இந்த நிலையில், நேற்று திங்கட்கிழமை பிறபகல் 2 மணி தொடக்கம்,  இன்று பகல் வரையும் ஊரடங்கு சட்டத்தை மீறி நடமாடிய 10 பேரை பொலிஸார் கைதுசெய்துள்ளனர்.

காத்தான்குடியில் 8 பேரும் வாகரையில் 2 பேர் உட்பட 10 பேர் கைதுசெய்யப்பட்டுள்ளனர்.

இதேவேளை,  20ஆம் திகதி தொடக்கம் 23ஆம் திகதி வரையிலான ஊரடங்கு சட்டம் பிறப்பிக்கப்பட்ட தினங்களில், மட்டு மாவட்டத்தில் சட்டத்தை மீறி நடமாடிய 44 பேரை இதுவரை கைதுசெய்யப்பட்டுள்ளமை குறிப்பிடத்தக்கது.