மாணிக்கக்கல் அகழ்வில் ஈடுபட்டு இருவர் கைது

எஸ்.சதிஸ்

பொகவந்தலாவை, சென்.விஜயன்ஸ் தோட்டத்தில், சட்டவிரோதமாக மாணிக்கக்கல் அகழ்வில் ஈடுபட்ட  இருவரை,  பொகவந்தலாவை பொலிஸார்,  இன்று அதிகாலை கைதுசெய்துள்ளனர்.

பொகவந்தலாவை  பொலிஸாருக்கு கிடைக்கப்பெற்ற  இரகசியத் தகவலின் அடிப்படையில், மேற்படிப் பகுதியில் திடீர் சுற்றிவளைப்பை மேற்கொண்ட பொலிஸார், மாணிக்கக்கல் அகழ்வில் ஈடுபட்டுக்கொண்டிருந்த நிலையில், மேற்படி இருவரையும் கைதுசெய்துள்ளதுடன்,  மாணிக்கக்கல் அகழ்வுக்காக பயன்படுத்திய உபகரணங்களையும் கைப்பற்றியுள்ளனர்.

கைதுசெய்யப்பட்ட இருவரையும் ஹட்டன் மாவட்ட நீதிமன்றில் ஆஜர்படுத்துவதற்கான நடவடிக்கையில், பொலிஸார் ஈடுபட்டு வருகின்றனர்.