மாத்தளை ரிவஸ்டன் வீதி 11 நாள்களுக்கு பூட்டு

மஹேஷ் கீர்த்தி ரத்ன, இந்திக அருணகுமார

வீதி அபிவிருத்திப் பணிகளுக்காக, மாத்தளை, ரிவஸ்டன் வீதி, நாளை (25) முதல் 11 நாள்களுக்கு மூடப்படவுள்ளதாக, வீதி அபிவிருத்தி அதிகார சபையின் மாத்தளைப் பிரிவுக்கான பொறியியலாளர் பிரிவு, இன்று (24) விடுத்துள்ள அறிவித்தலில் குறிப்பிட்டுள்ளது.

மாத்தளை, இலுக்கும்புர, லக்கல வீதியின் ரிவஸ்டன் பகுதியிலிருந்து பத்தனை வரையான பகுதியே, 11 நாள்களுக்கு மூடப்படவுள்ளது.

மேற்படி வீதி, காபட் வீதியாகப் புனரமைக்கப்படவுள்ளது என்றும் இதற்கமைவாக இன்று (25) முதல் 29 ஆம் திகதி வரையும் பின்னர் ஏப்ரில் 1ஆம் திகதியிலிருந்து 4ஆம் திகதிவரையும் இவ்வீதி மூடப்படவுள்ளதாக அந்த அறிவித்தலில் குறிப்பிடப்பட்டுள்ளது.

ரிவஸ்டனிலிருந்து பத்தனை வரைக்கும் பயணிக்கும் பயணிகள், நாவுல நகருக்கூடாக மாற்று வீதிகளைப் பயன்படுத்துமாறு, அறுவுறுத்தப்பட்டுள்ளது.