மான் தோல், துப்பாக்கியுடன் ஒருவர் கைது

நடராஜா மலர்வேந்தன்

ஹப்புத்தளைப் பொலிஸ் பிரிவுக்கு உட்பட்ட பொரலந்த பிட்டபொல பகுதியில், மான் தோல் மற்றும் துப்பாக்கியுடன் ஒருவரை, ஹப்புத்தளை பொலிஸார் இன்று (27) கைதுசெய்துள்ளனர்.

ஹப்புத்தளை பொலிஸ் நிலைய பொறுப்பதிகாரி சாகர தயாரத்னவுக்குக் கிடைத்த இரகசியத் தகவலுக்கு அமைய, தேடுதலில் ஈடுபட்ட பொலிஸார் மான் தோல், துப்பாக்கி என்பவற்றைக் கைப்பற்றியுள்ளதுடன் சந்தேக நபரையும் (வயது 55) கைதுசெய்துள்ளனர்.

மேற்படி நபரை நீதிமன்றில் ஆஜர்படுத்தவுள்ள பொலிஸார் மேலதிக விசாரணைகளை மேற்கொண்டு வருகின்றனர்.