முடக்கப்பட்ட பிரதேசத்துக்கு மதுபானங்களைக் கொண்டுச்சென்ற இருவர் கைது

எம்.கிருஸ்ணா

தனிமைப்படுத்தப்பட்டுள்ள ஹட்டன் என்பீல்ட் கிராம சேவகர் பிரிவுக்குள், பயணத்தடையை மீறி வானொன்றில் மதுபானங்களைக் கொண்டுச் சென்ற இருவரை, ஹட்டன் பொலிஸார் நேற்று முன்தினம் இரவு கைதுசெய்துள்ளனர்.

வானை மறித்து சோதனையிட்ட பொலிஸார், 15 மதுபான போத்தல்கள், 30 பியர் டின்களைக் கைப்பற்றியுள்ளதுடன் மேற்படி இருவரையும் கைதுசெய்துள்ளனர்.

தனிமைப்படுத்தப்பட்டப் பிரதேசத்தில் அதிக விலைக்கு மதுபானங்களை விற்பதற்காகவே மதுபானங்கள் கொண்டுச் செல்லப்பட்டுள்ளதாக தெரிவித்த பொலிஸார் மேலதிக விசாரணைகளை மேற்கொண்டு வருகின்றனர்.