வாகன விபத்தில் ஓட்டுநர் படுகாயம்

ஹட்டனில் இருந்து நோர்வூட் வரை அதிவேகமாக பயணித்த மோட்டார் சைக்கிள் ஒன்று, வழுக்கி  சென்று எதிர் திசையில் பயணித்த வேன் மீது மோதியதில், மோட்டார் சைக்கிள் ஓட்டுநர் படுகாயமடைந்து டிக்கோயா ஆதார வைத்தியசாலையில் அனுமதிக்கப்பட்டுள்ளார். 

இந்த விபத்து ஹட்டன்- பொகவந்தலாவ பிரதான வீதியில் அளுத்கால்ல பகுதியில் திங்கட்கிழமை (19)  இடம்பெற்றுள்ளது.

அதிவேகமாக பயணித்த மோட்டார் சைக்கிள் அதே திசையில் பயணித்த லொறியை, கவனக்குறைவாக முந்திச் செல்ல முயன்றதால் இந்த விபத்து ஏற்பட்டதாக, விபத்து தொடர்பான விசாரணைகளை முன்னெடுத்து வரும் பொலிஸார் தெரிவித்தனர் .

ரஞ்சித் ராஜபக்ஷ