ஹட்டனில் மில்லியன் ரூபாய் செலவில் 2019இல் அபிவிருத்திகள்

ஸ்ரீ சண்முகநாதன்

ஹட்டன் - டிக்கோயா நகரசபைக்குட்படட பல பகுதிகளில், சுமார் 10.3 மில்லியன் ரூபாய் செலவில், 2019ஆம் ஆண்டில் பல அபிவிருத்திப் பணிகள் முன்னெடுக்கப்படவுள்ளதாக, நகரபி​தா எஸ்.பாலசந்திரன் தெரிவித்தார்.

இது தொடர்பாக அவர் மேலும் தெரிவிக்கையில்,

ஹட்டன், மல்லியப்பூ சந்தி முதல் அஜந்தா பாலம் வரையான புகையிதப் பாதையை அண்மித்த பிரதான போக்குவரத்துப் பாதையை துப்பரவு செய்து பூங்கன்றுகள் நடுதல், டிக்கோயா ஆறு அகலமாக்கப்படுதல், விளையாட்டு மைதானம் அமைக்கப்படுதல், வடிகான்கள், நடைபாதை செப்பனிடப்படுதல், அஜந்தா விருந்தகத்துக்கு அருகிலுள்ள ஆறு அகலமாக்கப்பட்டு, கால்வாய், பாதுகாப்பு சுவர் ​அமைக்கப்படுதல் உள்ளிட்ட பல அபிவிருத்திப் பணிகள் முன்னெடுக்கப்படவுள்ளதாக அவர் கூறினார்.