ஹெரோய்னுடன் இளைஞன் கைது

மொஹொமட் ஆஸிக்

ஹெரோய்ன் போதைப்பொருள் வைத்திருந்த குற்றச்சாட்டில், அரநாயக்க, சமாகம பிரதேசத்தில் வைத்து, நேற்று (13), ஒருவரைக் கைதுசெய்துள்ள பொலிஸார், அவரிடமிருந்து, 8 கிராமும் 400 மில்லிகிராமும் நிறையுடைய ஹெரேய்னையும் கைப்பற்றியுள்ளனர்.

மேற்படி பிரதேசத்தைச் சேர்ந்த 25 வயது இளைஞரொருவ​ரே, இவ்வாறு கைதுசெய்யப்பட்டுள்ளார்.

பொலிஸாருக்குக் கிடைக்கப்பெற்ற இரகசியத் தகவலையடுத்து, மேற்படி பிரதேசத்தில் தேடுதல் மேற்கொண்ட பொலிஸார், குறித்த இளைஞரை, ஹெரோய்னுடன் கைதுசெய்துள்ளனர்.

குறித்த இளைஞரை, நீதிமன்றில் ஆஜர்படுத்தவுள்ள பொலிஸார், மேலதிக விசாரணைகளையும் மேற்கொண்டு வருகின்றனர்.