ஹொப்டனில் ஐவர் குளவிக் கொட்டுக்கு இலக்காகினர்

ராமு தனராஜா

ஹொப்டன் பகுதியில் குளவி கொட்டுக்கு இலக்கான 5 பெண் தொழிலாளர்கள் வைத்தியசாலையில் அனுமதிக்கப்பட்டுள்ளனர்.

நேற்று பகல்  2.30 மணியளவில் இச்சம்பவம் இடம்பெற்றுள்ளது.

லுணுகலை- ஹொப்டன் பங்களா டிவிஷன் பகுதியில் கொழுந்து  பறித்துக் கொண்டிருந்த பெண்களே குளவிக்கொட்டுக்கு இலக்காகியுள்ளனர்.

குறித்த ஐவரும் ஹொப்டன் வைத்தியசாலையில் அனுமதிக்கப்பட்டு சிகிச்சை பெற்று வருவதுடன், ஒருவர் மேலதிக சிகிச்சைகளுக்காக பதுளை வைத்தியசாலைக்கு மாற்றப்பட்டுள்ளார்.