105 கர்ப்பிணிகளுக்கு நிதியுதவி செய்யப்பட்டது

சுதத்.எச்.எம்.ஹேவா

மஸ்கெலியா சுகாதார வைத்திய அதிகாரி பிரிவுக்குட்பட்ட  பகுதிகளில் வசிக்கும் கர்ப்பிணிகளுக்கு நிதியுதவி வழங்கும் நடவடிக்கையொன்று நேற்று முன்தினம் (13) முன்னெடுக்கப்பட்டது.

மஸ்கெலியா சுகாதார வைத்திய அதிகாரி அலுவலகத்தில் இந்த நிகழ்வு இடம்பெற்றதுடன், மஸ்கெலியா சுகாதார வைத்திய அதிகாரி வைத்தியர் சந்ரராஜனின் வழிகாட்டலில், மைக்ரோ கிரடிட் நிறுவனம் மற்றும் கோஜோ மன்றம் என்பவற்றின் கீழ் கர்ப்பிணிகளுக்கு தலா 5,000 ரூபாய் பெறுமதியான வவுச்சர் அன்பளிப்பு செய்யப்பட்டது.

இதற்கமைய, பிரவுன்ஸ்வீக் தோட்டத்திலிருந்து 22 கர்ப்பிணிகள், பிரவுன்லோ தோட்டத்தில் 27 பேர், கிளென்டில் தோட்டத்தில் 13 பேர், சிறிய மஸ்கெலியாவில் 17 பேர், மஸ்கெலியாவில் 26 பேர் என மொத்தமாக 105 கர்ப்பிணிகளுக்கு இந்த நிதியுதவி வழங்கப்பட்டது.