தலவாக்கலையில் நடைபாதை வியாபாரத்துக்குத் தடை

(எஸ்.சுவர்ணஸ்ரீ)

தீபாவளி பண்டிகையை முன்னிட்டு தலவாக்கலை நகரிலுள்ள பாதையோரங்களில் நடைபாதை வியாபாரங்களுக்கு முற்றாக தடை விதிக்கபட்டுள்ளதாக தலவாக்கலை – லிந்துலை நகரசபை தலைவர் உதயகுமார் தெரிவித்தார்.

தலவாக்கலை நகரின் வாகனப்போக்குவரத்துக்களை முறையாக செயற்படுத்துவதற்காகவும் பாதசாரிகளின் நன்மை மற்றும் பாதுகாப்புக் காரணங்களைக் கருத்திற்கொண்டும் தலவாக்லை நகரில் நடைபாதை வியாபாரத்துக்கு முற்றாக தடை விதிக்கப்பட்டுள்ளது.

இதேவேளை தீபாவளி பண்டிகையை முன்னிட்டு விசேட அங்காடி ஒன்று தெவ்ஸ்ரீபுரவிலுள்ள வி.டி.தர்மலிங்கம் ஞாபகார்த்த மண்டபத்துக்கு அருகில் எற்படுத்தப்பட்டுள்ளதாக அவர் மேலும் குறிப்பிட்டார்.