வங்கி அட்டை மோசடி செய்த இளைஞனுக்கு விளக்கமறியல்

(மொஹொமட் ஆஸிக்)

வங்கி அட்டை ஒன்றினைத் திருடி அதன் மூலம் 26,000 ரூபாவை மோசடி செய்த 18 வயது இளைஞனை கண்டி பிரதான நீதவான் லலித் ஏக்கனாயக்க எதிர்வரும் 30ஆம் திகதிவரை விளக்க மறியலில் வைப்பதற்கு உத்தரவிட்டார்.

கண்டி கட்டுகஸ்தோட்டை பிரதேசத்தை சேர்ந்த கராஜ் ஒன்றுக்கு பழுது பார்ப்பதற்காக கொடுக்கப்பட்டிருந்த காரினுள் இருந்த வங்கி அட்டையை திருடி அதன் மூலம் 26,000 ரூபாய் பணத்தை மோசடி செய்த 18 வயதுடைய ஊழியர் ஒருவரை கட்டுகஸ்தோட்டை பொலிஸார் நேற்று வெள்ளிக்கிழமை கைது செய்திருந்தனர்.