ரம்புக்கனை பொது சந்தை மற்றும் கடை தொகுதிகள் திறந்து வைப்பு

-சிவாணி ஸ்ரீ

அரசாங்கத்தின் 780 இலட்சம் ரூபாய் நிதிச் செலவில் அமைக்கப்பட்ட ரம்புக்கனை பொதுச் சந்தை மற்றும் கடைத் தொகுதிகள் நேற்று வியாழக்கிழமை (26) திறந்து வைக்கப்பட்டன.

பொதுச் சந்தைக்கான கட்டடத்தொகுதி 400 இலட்சம் ரூபாய் செலவிலும் கடைத் தொகுதிகள் 380 இலட்சம் ரூபாய் செலவிலும் அமைக்கப்பட்டுள்ளன. 

கைத்தொழில் மற்றும் வர்த்தகத்துறை பிரதி அமைச்சர் ஏ.டி.பிரேமதாஸ, சப்ரகமுவ மாகாண முதலமைச்சர் மஹிபால ஹேரத், நாடாளுமன்ற உறுப்பினர் கனக ஹேரத், மாகாண சபை உறுப்பினர் சந்தித் சமரசிங்க மற்றும் ரம்புக்கனை பிரதேச சபைத் தலைவர் அதுல அதகம ஆகியோர் இந்நிகழ்வில் கலந்துகொண்டனர்.