மரப்பலகைகளுடன் ஒருவர் கைது

-மொஹொமட் ஆஸிக்

சட்டவிரோதமாக  பலா மற்றும் மஹோகனி மரப் பலகைகளை ஏற்றிச் சென்றுகொண்டிருந்த   லொறியொன்றை கண்டி – குருநாகல் வீதியில்  கட்டுகஸ்தோட்டை பொலிஸார்; நேற்று ஞாயிற்றுக்கிழமை கைப்பற்றியதுடன், சந்தேகத்தின் அடிப்படையில் ஒருவரை கைதுசெய்துள்ளதாகவும் பொலிஸார் தெரிவித்தனர்.

இந்த சந்தேக நபர் பொலிஸ் பிணையில் விடுவிக்கப்பட்டுள்ளதாகவும் பொலிஸார் கூறினர்.

மரத்தூள் பொதிகளை  ஏற்றிச் சென்றுகொண்டிருந்த லொறியை கண்ட கட்டுகஸ்தோட்டை பொலிஸார், அதை வழிமறித்து சோதனைக்கு உட்படுத்தியுள்ளனர். லொறியின்; மேற்புறத்தில் மரத்தூள் பொதிகளும் அதற்கு கீழ், பலா மற்றும் மஹோகனி மரப்பலகைகளும் காணப்பட்டுள்ளன.

சந்தேக நபரை நீதிமன்றத்தில் ஆஜர்படுத்துவதற்கான நடவடிக்கைகளை பொலிஸார் மேற்கொண்டுள்ளனர்.