ம.ம.மு.இன் மத்திய குழு இன்று கூடுகிறது

தி.தவராஜ்

மலையக மக்கள் முன்னணியின் மத்திய குழு கூட்டம் இன்று காலை 10 மணிக்கு ஹட்டனில் அமைந்துள்ள கட்சி தலைமையகத்தில் நடைபெறவுள்ளதாக மலையக மக்கள் முன்னணியின் செயலாளர் நாயகம் அ.லோரன்ஸ் தெரிவித்தார்.

மலையக மக்கள் முன்னணியின் அரசியல் துறைத்தலைவரும் கல்வி இராஜாங்க அமைச்சருமான வேலுசாமி இராதாகிருஸ்ணன் தலைமையில் நடைபெறும் இக்கூட்டத்தில் எதிர்வரும் நாடாளுமன்ற தேர்தல் தொடர்பில் முக்கிய விடயங்கள் கலந்துரையாடப்படவுள்ளதாக அவர் மேலும் தெரிவித்தார்.

இதேவேளை பிற்பகல்2 மணிக்கு அமைப்பாளர்களுக்கான கூட்டமும் இடம்பெறவுள்ளதாகவும் அவர் தெரிவித்தார்.