மத்திய மாகாண தமிழ் கல்வி அமைச்சராக ரமேஷ் சத்தியபிரமாணம்

சி.எம்.ரிஃபாத்

மத்திய மாகாண விவசாய, கால்நடை அபிவிருத்தி, தமிழ் கல்வி, இந்து கலாசார மற்றும் நன்னீர் மீன்பிடி துறை அமைச்சராக  மத்திய மாகாண சபை உறுப்பினரும் இலங்கை தொழிலாளர் காங்கிரஸின் உப தலைவருமான வரதபாண்டி ரமேஷ் இன்று வியாழக்கிழமை மாலை தமது சத்தியபிரமாணம் செய்துகொண்டுள்ளார்.

கண்டி, ஆளுநர் மாளிகையில் ஆளுநர் முன்னிலையில் இவர் சத்தியபிரமாணம் செய்துகொண்டுள்ளார்.

இந்நிகழ்வில்,  இலங்கை தொழிலாளர் காங்கிரஸின் தலைவர் முத்துசிவலிங்கம், பொதுசெயலாளர் ஆறுமுகன் தொண்டமான் மற்றும் மத்திய மாகாண சபை உறுப்பினர்கள் உட்பட பலர் கலந்துகொண்டனர்.