ஆசிரியரின் வீட்டில் திருட்டு: மாணவன் கைது

தனது ஆசிரியர் வீட்டில் சுமார் ஒரு இலட்சம் ரூபாய் பெறுமதியான இலத்திரனியல் உபகரணங்களை திருடியதாக கூறப்படும் மாணவனை அஸ்கிரிய பொலிஸார் நேற்று கைதுசெய்துள்ளனர்.

கண்டியிலுள்ள பிரபல பாடசாலையை சேர்ந்த 19 வயது மாணவனே இவ்வாறு கைதுசெய்யப்பட்டுள்ளார்.

ஆசிரியர் வழங்கிய முறைப்பாட்டுக்கமைவாக மோப்பநாயின் உதவியுடன் மேற்படி மாணவனை பொலிஸார் கைதுசெய்துள்ளதுடன் நீதிமன்றில் ஆஜர்படுத்துவதற்கான நடவடிக்கைகளையும் மேற்கொண்டு வருகின்றனர்.