ஹெரோய்ன் வைத்திருந்த இருவர் கைது

வெலிக்கடைப் பகுதியில் மேற்கொள்ளப்பட்ட சுற்றிவளைப்புச் சம்பவத்தின் போது, 70 கிராம் ஹெரோய்ன் போதைப்பொருள் வைத்திருந்தார் என்ற சந்தேகத்தின் பெயரில், இருவரைப் பொலிஸார் கைதுசெய்துள்ளனர்.

இக்கைதுச்சம்பவம், சனிக்கிழமை (10), பண்டாரணாயகபுர, தியவன்னாவ பகுதிகளில் மேற்கொள்ளப்பட்ட சுற்றிவளைப்பின் போதே சந்தேகநபர்களைப் பொலிஸார் கைதுசெய்துள்ளனர்.

சந்தேகநபர்கள், இராஜகிரிய பகுதியைச் சேர்ந்த 48, 47 வயதானவர்கள் எனப் பொலிஸார் தெரிவித்தனர். இச்சம்பவம் தொடர்பில் வெலிக்கடைப் பொலிஸார் மேலதிக விசாரணைகளை மேற்கொண்டு வருகின்றனர்.