கொழும்பு மாநகரசபை அறைகளை பலவந்தமாக கையகப்படுத்தியமைக்கு மேயர் முஸம்மில் கண்டனம்

(யொஹான் பெரேரா)

கொழும்பு மாநகர சபையின் அறைகளை  சபையின் எதிர்க்கட்சியான ஐ.ம.சு.கூட்டமைப்பு உறுப்பினர்கள் பலவந்தமாக கையகப்படு;த்தியதாகவும் இதை தாம் வன்மையாக கண்டிப்பதாகவும் கொழும்பு மேயர் ஏ.ஜே.எம். முஸம்மில் கூறியுள்ளார்.

எதிர்க்கட்சி உறுப்பினர்கள் தன்னுடன் கலந்துரையாடியிருந்தால், சபையின் அங்கீகாரத்தின் பின்னர் மாநகர சபை எதிர்க்கட்சித் தலைவருக்கு அறையொன்றை வழங்கியிருக்க முடியும் எனவும் அவர் கூறினார். எதிர்க்கட்சி அங்கத்தவர்கள் இப்படி கொடூரமாக நடந்துகொள்ளக்கூடாது எனவும் அவர் கூறினார்.

கடந்த ஒக்டோபர் 31 ஆம் திகதி, எதிரக்;கட்சி உறுப்பினர்கள் 6 பேர் வந்து சாவிகளை கொண்டு சென்றதாக மேயர் முஸம்மில் தெரிவித்தார். நேற்று ஆறு உறுப்பினர்கள் அடியாட்களுடன் வந்து மாநகரசபையின் பயிற்சி அறையின் கதவை திறந்ததாகவும் அவர் தெரிவித்தார்.