கொழும்பு பிரதான நீதவான் நீதிமன்ற சட்டத்தரணிகள் - நீதி அமைச்சர் சந்திப்பு

கொழும்பு நீதவான் நீதிமன்ற கட்டிடத் தொகுதியை பத்தரமுல்லை பிரதேசத்துக்கு இடமாற்ற அரசாங்கம் தீர்மானித்துள்ள நிலையில், கொழும்பு பிரதான நீதவான் நீதிமன்ற சட்டத்தரணிகள் சங்கத்தின் பிரதிநிதிகளுக்கும் நீதி அமைச்சர் ரவூப் ஹக்கீமிற்கும் இடையில் இன்று வியாழக்கிழமை பேச்சுவார்த்தை இடம்பெற்றது.

இச்சந்திப்பில் நீதியமைச்சின் செயலாளர் கமலினி டி சில்வா, இலங்கை சட்டத்தரணிகள் சங்க  தலைவர் ஷிப்லி அஸீஸ் மற்றும் பொது செயலாளர் மஹிந்த லொக்குகே உள்ளிட்ட பலர் கலந்துகொண்டனர்.

இதேவேளை, கொழும்பு நீதவான் நீதிமன்ற கட்டிடத் தொகுதியை பத்தரமுல்லை பிரதேசத்துக்கு இடமாற்றும் அரசாங்கத்தின் திட்டத்துக்கு எதிராக நீதவான் நீதிமன்ற சட்டத்தரணிகள் சங்கம் ஏற்பாடு செய்த ஆர்ப்பாட்ட ஊர்வலமொன்று இன்று வியாழக்கிழமை பிற்பகல் கொழும்பு நீதிமன்ற வளாகத்தில் இடம்பெற்றமை குறிப்பிடத்தக்கது.