ஐ.ம.சு.முவின் பிரதேச சபை உறுப்பினர் கைது

தெஹிவளை- கல்கிஸை பிரதேச சபையின் ஐக்கிய மக்கள் சுதந்திர முன்னணியின் உறுப்பினர் சஜிந்திர ரமல் டி சில்வா கைது செய்யப்பட்டுள்ளார்.

தெஹிவளை- கல்கிஸை மாநகர சபையின் பொது சுகாதார பரிசோதகர் மீது தாக்குதல் நடத்தினார். என்ற குற்றச்சாட்டின் பேரிலேயே அவர் சந்தேகத்தின் பேரில் கைது செய்யப்பட்டுள்ளார்.

சந்தேகத்தின் பேரில் கைது செய்யப்பட்ட பிரதேச சபை உறுப்பினரை பொலிஸார் கல்கிஸை மேலதிக நீதவான் முன்னிலையில் இன்று ஆஜர்படுத்திய போது அவரை எதிர்வரும் 22 ஆம் திகதிவரை விளக்கமறியலில் வைக்குமாறு நீதவான் உத்தரவிட்டுள்ளார்.

கடந்த 10 ஆம் திகதி செய்யப்பட்ட முறைப்பாட்டுக்கு அமையவே அவர் சந்தேகத்தின் பேரில் கைது செய்யப்பட்டுள்ளார்.

விபத்தொன்றில் சிக்கி களுபோவில வைத்தியசாலையில் சிகிச்சை பெற்றுவந்த நிலையிலேயே குறித்த சந்தேக நபரை கைது செய்துள்ளதாக பொலிஸார் தெரிவித்தனர்.