’அரசியல் கைதிகளுக்கு பொதுமன்னிப்பு வழங்க வேண்டியது மிகவும் அவசியம்’

-எஸ்.நிதர்ஷன்

தமிழ் அரசியல் கைதிகளுக்கு பொதுமன்னிப்பு வழங்க வேண்டியது மிகவும் அவசியமானதென, சுதேச வைத்திய முறைகளின் மேம்பாடு, கிராமிய மற்றும் ஆயுள்வேத வைத்தியசாலைகள் அபிவிருத்தி மற்றும் சமூக சுகாதார இராஜாங்க அமைச்சர்  சிசிர ஜயக்கொடி தெரிவித்தார்.

யாழ்ப்பாணம் நாக விகாரையில்;, நேற்று (23) மாலை, நடைபெற்ற விசேட வழிபாடுகளின் பின்னர், பொசன் தினத்தை முன்னிட்டு தமிழ் அரசியல் கைதிகளுக்கு  ஜனாதிபதி பொதுமன்னிப்பு வழங்கவுள்ளமை குறித்து ஊடகங்களுக்குக் கருத்துரைத்த போதே. அவர் இவ்வாறு தெரிவித்தார்.

இது தொடர்பில் தொடர்ந்துரைத்த அவர், வடக்கிலுள்ள இளைஞர்கள் பலர் சிறைகளில் உள்ளனர் எனவும் ஆகவே, அவர்களுக்கு பொதுமன்னிப்பு வழங்க வேண்டியது மிகவும் அவசியமானதெனவும் கூறினார்.
பல்லின மக்கள் வாழும் இந்நாட்டில், இதனை மேற்கொள்ளும் போதே, இனங்களிடையே நல்லிணக்கம் ஏற்படும் என்றார்.