‘கலந்துரையாடலில் கலந்து கொள்ளுங்கள்’

தமிழ் அரசியல் கைதிகளின் விடுதலை தொடர்பில் முதலமைச்சர் தலைமையில் இடம்பெறும் கலந்துரையாடலில் அனைவரும் கலந்து கொள்ள வேண்டும் என அரசியல் கைதிகளின் விடுதலைக்கான தேசிய அமைப்பின் தலைவர் அருட்தந்தை ம.சக்திவேல் தெரிவித்தார்.

யாழ்.ஊடக அமையத்தில் இன்று (11) இடம்பெற்ற ஊடகவியலாளர் சந்திப்பிலேயே அவர் இவ்வாறு தெரிவித்தார்.

அவர் மேலும் தெரிவிக்கையில்,

நாளை கைதடியிலுள்ள முதலமைச்சரின் அலுவலகத்தில் முதலமைச்சரின் தலைமையில் தமிழ் அரசியல் கைதிகளின் விடுதலை தொடர்பில் காலை 11 மணிக்கு கலந்துரையாடல் ஒன்று இடம்பெறவுள்ளது.

இக்கலந்துரையாடலில் கைதிகளை நிபந்தனை அற்று விடுவிக்க வேண்டும் என கருதும் சிவில் சமூகங்கள், மக்கள் பிரதிநிதிகள், பல்கலைக்கழக சமூகத்தினர், செயற்பாட்டாளர்கள் என அனைத்து தரப்பினரும் கலந்து கொள்ள வேண்டும் என தெரிவித்தார்.