கூட்டமைப்பின் தவிசாளரை வழிமொழிந்தது ஐ.தே.க

- எஸ்.ஜெகநாதன்

யாழ்ப்பாணம் வலி.தென்மேற்கு பிரதேச சபைக்கான தவிசாளர் தெரிவில், தவிசாளராக தமிழ்த் தேசியக் கூட்டமைப்பு உறுப்பினர் தெரிவு செய்யப்பட்ட போது, அவரை ஐக்கிய தேசியக் கட்சி உறுப்பினர் வழிமொழிந்த சம்பவம் இன்று (02) இடம்பெற்றுள்ளது.

உள்ளுராட்சி சபைகளுக்கான தவிசாளர்கள், தெரிவுகள் நடைபெற்று வருகின்ற நிலையில் வலி.தென்மேற்கு பிரதேச சபைக்கான தவிசாளர் மற்றும் உபதவிசாளர் தெரிவும் இன்று (02) இடம்பெற்றுள்ளது.

தமிழ்த் தேசியக் கூட்டமைப்பினைச் சேர்ந்த வலி.தென்மேற்கு பிரதேசசபையின் முன்னாள் தவிசாளர் அந்தோனிப்பிள்ளை ஜெபநேசன் மீண்டும் தவிசாளராக இன்று (02) தெரிவு செய்யப்பட்டுள்ளார்.

அவருடைய பெயரை தமிழ்த் தேசியக்கூட்டமைப்பின் உறுப்பினர் ஒருவர் முன்மொழிய, ஐக்கிய தேசியக் கட்சியின் உறுப்பினர் ஒருவர் வழிமொழிந்துள்ளார்.

உபதவிசாளராக சின்னையா கணேசவேல் தெரிவு செய்யப்பட்டுள்ளார்.