“ சுபாஸ் விடுதிக்கு வராதீர்கள்”

பு.கஜிந்தன்,எம்.றொசாந்த் 

கடந்த மூன்று வருடங்களுக்கு மேலாக சுபாஸ் விடுதியில் இயங்கிவந்த யாழ்ப்பாணம் போதனா வைத்தியசாலையின் அனைத்து கிளினிக்குகளும் திங்கட்கிழமை (16) முதல் வைத்தியசாலையின் உட்புறம் இரு வெவ்வேறு இடங்களில் நடைபெறும் என வைத்தியசாலை பணிப்பாளர் த.சத்தியமூர்த்தி தெரிவித்தார்.

மருத்துவக் கிளினிக்கில் சிகிச்சை பெற வருபவர்கள் அனைவரும் விக்டோரியா வீதியில் புதிதாகத் திறப்பட்டுள்ள நுழைவாயிலூடாக  ( இல.9 B) வருகை தந்து வைத்தியசாலையில் புதிதாக அமைக்கப்பட்டுள்ள கிளினிக்கில் சிகிச்சை பெற முடியும்.  

அதேவேளை இதய சிகிச்சை கிளினிக்கில் சிகிச்சை பெற வருபவர்கள் விக்டோரியா வீதியில் உள்ள வைத்தியசாலையின் 11 ஆம் இலக்க நுழைவாயிலூடாக வருகைதந்து இதய சிகிச்சை கிளினிக்கிற்குச் செல்ல முடியும். இது இதய சிகிச்சை விடுதிக்கு பின்புறம் புதிதாக அமைக்கப்பட்டுள்ள சிகிச்சை நிலையத்தில் நடைபெறும் என்றும் விடுக்கப்பட்டுள்ள அறிக்கையில் தெரிவிக்கப்பட்டுள்ளது.

இது இதய சிகிச்சை விடுதிக்கு பின்புறம் புதிதாக அமைக்கப்பட்டுள்ள சிகிச்சை நிலையத்தில் நடைபெறும்  என்றுள்ளது.

கடந்த 1990ஆம் ஆண்டிற்கு முன்னர் யாழ்.போதனா வைத்தியசாலைக்கு பின்புறமாக இயங்கிய பிரபல தனியார் விடுதி , யுத்தத்தின் பின்னர் இயங்கவில்லை.  

வைத்தியசாலையில் போதிய இடவசதிகள் இல்லாத காரணத்தால் , வைத்தியசாலைக்கு அருகில் இருந்த குறித்த விடுதி கட்டடத்தில் கிளினிக் பிரிவுகள் ஆரம்பிக்கப்பட்டு நடைபெற்று வந்த நிலையில் , தற்போது விடுதி கட்டட உரித்தாளர்கள் , தம்மிடம் மீள கட்டடத்தை ஒப்படைக்குமாறு கோரியதை அடுத்து , கட்டடத்தை வைத்தியசாலை நிர்வாகம் மீள கையளித்துள்ளது.