பனைமரம் தறித்த வீட்டு உரிமையாளருக்கு அபராதம்

செல்வநாயகம் கபிலன்

எட்டு பனைமரங்களை மாத்திரம் தறிப்பதற்கு அனுமதியினை பெற்று, மேலதிகமாக ஒரு பனைமரத்தினை தறித்த வீட்டு உரிமையாளருக்கு 10,000 ரூபாய் அபராதம் விதித்து மல்லாகம் நீதவான் நீதிமன்ற நீதவான் சின்னத்துரை சதீஸ்தரன் வெள்ளிக்கிழமை (18) உத்தரவிட்டார்.

ஏழாலை தெற்கு மயிலங்காடு பகுதியினை சேர்ந்த நபர் ஒருவருக்கே; மேற்படி அபராதம் விதிக்கப்பட்டுள்ளது. அத்துடன், தறித்த பனைமரங்கள் அனைத்தையும் பறிமுதல் செய்யுமாறு நீதவான் உத்தரவிட்டார்.

2014ஆம் ஆண்டு இடம்பெற்ற மேற்படி சம்பவம் தொடர்பில், தறிக்கப்பட்ட பனைமரங்களின் பெறுமதி தொடர்பில் மரக்கூட்டுத்தபானத்திடம் இருந்து அறிக்கை வெள்ளிக்கிழமை (18) பொலிஸாருக்கு கிடைக்கப்பெற்றிருந்தது.